படித்ததில் பிடித்தது 2

படித்ததில் பிடித்தது..

அடித்துவிட்டு ஓடுகிற குழந்தையைத்
திருப்பியா அடிக்கிறோம்?
ஒரு முத்தம்தானே கொடுக்கிறோம்?
நீ - குழந்தை.
என் காதல் – முத்தம்.
----------------------------------------------------
நீ விலகியதும்
உன்னிடமிருந்து என்னிடம் ஓடி வருகிறது காதல்.
என்னிடமிருந்து உன்னிடம் ஓடிப் போகிறது என் இதயம்!
----------------------------------------------------
“பிரிந்து விடு! பிரிந்து விடு!”
என்று ஆயிரம் வார்த்தைகளில் சொல்லிவிட்டு
ஒற்றைப் பார்வையில் உயிர் போகக் கெஞ்சுகிறாளே
இவளை விட்டு எப்படிப் பிரிய?
----------------------------------------------------
உன்னோடு பேசாத நாட்களை
என் நாட்குறிப்பில் இருந்து நீக்குகிறேன்
அவை நான் வாழாத நாட்கள்!
----------------------------------------------------
நீ பிரிந்தபிறகும் கூட
உன்னை வெறுக்கத் தோன்றவில்லை என் இதயத்துக்கு…
என் இதயம் நேசித்தவளென்பதால் மட்டுமல்ல
என் இதயத்தை நேசித்தவளென்பதாலும்!
----------------------------------------------------
-- அருட்பெருங்கோ..

கொஞ்சம் கிறுக்கல் 8

தென்றலாய் வருடிச் செல்கிறாய்..
தொடு வானமாய் தொலைவினில் நிற்கிறாய்..
உன் நினைவுகளோடு போராடி உறங்காது,
அந்தி வானமாய் விழி சிவக்க வைக்கிறாய்..
வசந்த காலமோ.. இலையுதிர் காலமோ..
நீ விட்டு செல்லும் தடங்கள்..
அதை தொடர்ந்து..
நான்..
----------------------------------------------